Մանկավարժական աշխատողների ինքնակրթության «Աշնանային դպրոցի » առաջին օրը, մի խումբ ուսուցիչներով խորհրդատվության համար մոտեցանք տիկին Մարիետին՝ ով միշտ հետաքրքիր գաղափարներ ունի ու որոնցով պատրաստակամ ու սիրով կիսվում է մեզ հետ: Այնուհետև գնացինք պարի սրահ, որտեղ մեզ էր սպասում մեր նոր պարուսույցը՝ ընկեր Ստեփանը՝ով այս մեկ շաբաթվա ընթացքում մի քանի նոր պար սովորեցրեց: Պարերից ամենատպավորիչը «Քերծի»-ն էր: Հաջորդ օրերի ընթացքում, տեխնոլոգիական հմտությունների ամրապնդման, Smart board ծրագրի հետ աշխատելու նորովի ու հետաքրքիր լուծումներ առաջարկեց Լուսինե Բուշը: Տիար Գևորգը մաթեմատիկական վարժությունների ու խնդիրների նորովի՝ խաղային, ոչ ձանձրալի ու հետաքրքիր դաս կազմակերպելու խորհրդատվություն անցկացրեց:
Մինչև կրթահամալիրում աշխատանքի անցնելը, ես չեմ սիրել քայլարշավային ճամփորդությունները, սակայնկրթահամալիրում աշխատելու ընթացքում հասկացա, որ դրանց մասնակցելն անխուսափելի է. ճամփորդությունները կազմում են ուսումնական ծրագրի բաղկացուցիչ մասը: Ամեն ճամփորդությունից հետո ինձ թվում էր, որ ես այլևս ուժ չեմ ունենա մասնակցելու հաջորդին: Սակայն դրանք այնքան հետաքրքիր, ուրախ և տպավորիչ էին անցնում, որ ես մեծ ոգևորությամբ պատրաստվում էի հաջորդ ճամփորդությանը: Ինքնակրթության շաբաթվա վերջին օրն ամփոփեցինք ուխտագնացություն-ճամփորդությամբ, որի ուղղությունն էր՝ Արայի լեռ-Ծաղկավանք:
Նույնիսկ ամենաանմատչելի բարձունքը հեշտ է հաղթահարել, երբ այն ուղեկցվում է երգով, ծիծաղով, հետաքրքիր պատմություններով: Այս ճամփորդությունը հե՛նց այդպիսին էր: Մենք հաղթահարեցինք բարձունքը, այնուհետև այցելեցինք Մուղնիի Սուրբ Գևորգ,Կարմրավոր, Ծիրանավոր, Սպիտակավոր և Սուրբ Մարինե եկեղեցիները: Ահա այսպիսն էր մանկավարժական աշխատողների ինքնակրթության <<Աշնանային դպրոցի>> այս շաբաթը, հետաքրքիր ու հագեցած: